ဆရာတော် ဦးဥတ္တမ မအူပင်တွင် ၁၂၈၂-ခုနှစ်၊ ထောင်ကျပြီးသည့်နောက်မှ ၀ံသာနုအသင်းတို့သည် အလွန် တိုးတက်ကြီးမာလာခဲ့ရာ မန္တလေးမြို့တွင် (၆)ကြိမ်မြောက်ကျင်းပသော ၁၂၈၃-ခုနှစ်၊ ဂျီစီဘီအေ ကွန်ဖရင့်ကြီး၌ မကြုံစဖူးအောင်များပြားသော ပရိတ်သတ်ကို ကျွန်ုပ်တို့တွေ့ခဲ့ရသည်။
(၈)ကြိမ်မြောက် ပြည်မြိုတွင် ကျင်းပသောကွန်ဖရင့်ကိုလည်း ရောက်ခဲ့ဖူး၏။
ထိုမျှမများပေ။ မန္တလေး၌ ပရိတ်သတ်ကိုယ်စားလှယ်ရော ဧည့်သည်ပါ တစ်သိန်းကျော်သည်ဟု ခန့်မှန်းရသည်။
လူထုပရိတ်သတ်၏ စိတ်ဆန္ဒများလည်း လွတ်လပ်ရေးအတွက် ပြင်းထန်လာလေရာ အုပ်စိုးသူ အင်္ဂလိပ်တို့နှင့် ဆန့်ကျင်ရမည့်ကိစ္စတို့တွင် အထူစိတ်ထက်သန်လျက်ရှိပြီး ထိုကွန်ဖရင့်အစည်းအဝေးမှ တိုင်းခမ်းလှည့်လည်လာသော ဝေလမင်းသားကို သပိတ်မှောက်ရန် တသံတည်းပင် ဆုံးဖြတ်ကြသည်။
ဟုမ္မရူးခေါ် ကိုယ်ပိုင်အုပ်ချုပ်ရေးထက်လျော့၍ မည့်သည့်အုပ်ချုပ်ရေးကိုမျှ လက်မခံဟုပင် ဆုံးဖြတ်ခဲ့ကြသည်။
ထိုကွန်ဖရင့်၌ ဒီပဲရင်းဝန်ထောက် နေမျိုးသီရိကျော်ထင် မြန်မာမင်းလက်ထက် ဘွဲ့တံဆိပ်ရပုဂ္ဂိုလ်ကြီးက နာယကအဖြစ်ဆောင်ရွက်၏။
ထိုပုဂ္ဂိုလ်၏မိန်းခွန်းတွင် ဆရာတော် ဦးဥတ္တမ၏ဂုဏ်ကျေးဇူးတို့ကို အောက်ပါအတိုင်း ထည့်သွင်းပြောဆိုလေသည်။ ၁၂၈၄- ခုနှစ်၊ သီတင်းကျွတ်လဆန်း ၅- ရက်နေ့တ် ‘နေပြည်တော်ဂျာနယ်’ ၌ “ရှေးစကားဟောင်း” ဟူ၍ဖေါ်ပြပါရှိ၏။
No comments:
Post a Comment