၂၁ ဦးလူကြီးစုမှ ဦးဘဖေ၊ ပုသိမ်ဦးဘီ၊ ဦးမောင်မောင်အုံးခိုင်၊ ဦးမောင်ကြီး (အမ်အေ)၊ ဦးဘလှိုင် (နယူး ဘားမား)၊ ဦးစိန် (မြန်မာ့အလင်း)၊ ဦးမောင်မောင်ကြီး (၎င်း)၊ ဦးသင်းမောင်၊ ဦးပု၊ ဦးလွန်း၊ ဒေါက်တာဘရင်၊ ဦးထွန်းဝေ၊ ဦးထွန်းလှိုင်(ပဲခူး) ဦးလွန်းမောင် (ညောင်လေးပင်)၊ ဦးဘဦး (မန္တလေး)၊ ဦးကိုကို(သထုံ)၊ ဦးသော်(ကမာရွက်)၊ ဦးမောင်ကြီး (ပျော်ဘယ်)၊ ဦးစိန်ဘ (ကျောက်ဆည်) တို့ ဖြစ်ကြပါသည်။
(ဤစာရင်းကား ဖေဖီယန်ဥင်္းဘခိုင်ရေးသော “နိုင်ငံရေးရာဇာဝင်” စာအုပ်မှစာရင်းဖြစ်သည်။)
၎င်းတို့က ကောင်စီကိုဝင်၍ ပူးသတ်သင့်ကြောင်းနှင့် ကြေညာစာရွက်နှိပ် ဝေဌာရာမှ တိုင်းပြည်က ၂၁-ဦးပါတီဟု ခေါ်ကြသည်။
ငါသာမှန်သည် ငါ့ထက်သာသောသူမရှိဟု သက္ကာယလွန်မင်းလျင်မည်သူမဆို မှားယွင်းနေတတ်သည်ဟုဆိုသော် ငြင်းနိုင်မည်မဟုတ်ချေ။
သတ္တုချ၍ စစ်ဆေးကြည့်ရှုလျှင် ဒီမိုကရေးစီအစစ်အမှန်ကို လိုက်နာကျင့်သုံးရန်ဖြစ်ပါက ငါအမှန်ဆိုသော ဝါဒကိုထားခြင်းဖြင့် အောင်မြင်မည် မဟုတ်ပေ။
ငါဟာသာအမှန်ဆိုလျှင် အတိုက်အခံဘက်မှ ဂိုဏ်တစ်ခုကို မုချအလွဲထင်ပြီး လိုလားနိုင်တော့မည် မဟုတ်ပေ။ ဒီမိုကရေစီ စစ်စစ်ကိုလိုလေ သမာသမတ်ကျသော အတိုက်အခံဂိုဏ်းကောင်းကောင်းရှိစေရန်လိုလားအပ်လေဖြစ်သည်။
ဤနည်းသာလျှင် ရိုးဖြောင့်၍ သမာသမတ်ကျသော ဒီမိုကရေစီအနှစ်သာရကို မိမိနှင့်တကွ မိမိအမျိုးပါ ခံစားနိုင်ခွင့်ကို ရရှိစေနိုင်မည် ဖြစ်သည်။
အင်္ဂလိပ်မှ လေဘာပါတီအမတ်လေးဦးတို့ ၁၉၅၃-ခုနှစ် ဗမာပြည်သို့ မိတ်ဆက်လာရောက် လည်ပတ်သောအခါက ရန်ကုန်တက္ကသိုလ်တွင် စကားပြောဆိုရာ “ကျုပ်တို့အင်္ဂလန်မှာ ဗမာပြည်လို အခြေခံ ဥပဒေဟူ၍ ရေးဆွဲပြီးမရှိပါ။
သို့သော် အတိုက်အခံကောင်းကောင်းရှိလေ အစိုးရအဖွဲ့က ကောင်းလေစနစ်ဖြင့်သာ အင်္ဂလန်သည် တိုးတက်ခဲ့ပါသည်” ဟုပြောသွားဖူးသည်။
အိန္ဒိယတွင် အုပ်ချုပ်သွားသော ဘုရင်ခံချုပ်လော့အာဝင်းက ရိုထရီအသင်း၌ စကားတခါ ပြောဆိုဖူးသည်မှာ “ကျွန်ုပ်တို့အစိုးရဟာ လက်ဝါးကြီးအုပ်ပြီး မိုက်မဲနေသူများ မဟုတ်သလို တဘက်မှ အတိုက်ခံတွေကတော့လူ့ အသိဥာဏ်အားလုံးကို လက်ဝါးကြီးအုပ် ခံယူပြီးတော့ လိမ္မာနေကြသူများ မဖြစ်နိုင်ပါ။
ဘယ်သူမဆို ပုထုဇဉ်တို့ သဘာဝအားဖြင့် ချွတ်ချော်တမ်းပါးမှုကလေးတွေတော့ ရှိကြရစမြဲ ဓမ္မတာပါခင်ဗျား။
သို့အတွက် ဘယ်သူမဆိုသိမ်းကျုံး အပြစ်ဆိုပြောနေကြမည့်အစား လုပ်ဆောင်နေဆဲ အလုပ်အပေါ်တွင်သာ သင့်တော်၏ မသင့်တော်၏ဆိုသည်ကို အကျိုးအကြောင်း ပြသဝေဖန်ပိုင်းခြားဖြင့် နှစ်ဦးနှစ်ဘက်က အမှန်ကိုရောက်သည်ထက် ရောက်အောင် ချီတတ်ကြဆိုလျှင် အိန္ဒိယ၏ တိုးတက်မှုခရီးလမ်းဟာ ဖြောင့်စင်းနေစရာ ရှိပါသည်” ဟူ၍ ပြောဖူးလေသည်။ ဒီမိုကရေစီကိုကြိုက်လေ ဒီမိုကရေစီအောင်မြင်ကြီးထွားမှုကို လိုလေလေ ဝေဖန်ခြင်းကို နာခံလေလေ ရှိစေရမည်။
တဖက်က ခရေစေ့တွင်ကျ ဝေဖန်ခြင်းကိုခံရသဖြင့် အခြားတဖက်က ဝေဖန်ခြင်းထက် ပို၍ကောင်းအောင် ကြိုးစားလာပေလိမ့်မည်။
အင်္ဂလိပ်ပညာရှိအမတ်ကြီး လော့ဇက်တလင်းက အိန္ဒိယသို့ လာပြီးနောက် ဗုဒ္ဓဘာသာစာပေတို့ကို လေ့လာပြီးလျှင် ထုတ်ဖော်ရေးသားလိုက်သည်မှာ ကျွန်ုပ်တို့ အင်္ဂလိပ်နှင့် ဥရောပတိုက်များ၌ ယခုလောလောဆယ် အလွန်ယဉ်ကျေးသိမ်မွေ့ပါသည်ဟူ၍ လိုက်နာကျင့်သုံးနေသော ဒီမိုကရေစီ၏ အနှစ်သာရများကို လွန်ခဲ့သောနှစ်ပေါင်း ၂၀၀၀-ကျော်က ပွင့်တော်မူသော ဂေါတမမြတ်စွာဘုရားသည်ကား အံ့ဖွယ်ဖြစ်သည်” ဟူ၍ပင် ရေးသားထားသည်။
သို့ဖြစ်ရာ ဂျီ၊ စီ၊ ဘီ၊ အေ ကွဲစဉ်အခါကပင် ကောင်စီဝင်သင့် မဝင်သင့်ဟူသော ပြဿနာတရပ်ကြောင့် တဖက်သတ် ပြင်းပြင်းထန်ထန် ပုဂ္ဂလဒိဌာန်ဖြင့် ရှုံ့ချခြင်းမျိုးကို ဆရာတော်သည်နှစ်သက်တော် မမူဘဲ ကောင်စီဝင်၍ အကျိုးမရှိကြောင်းမိမိ၏ထင်မြင်ချက်ကို တိတိကျကျပြောဆိုဝေဖန်တော်မူသော်လည်း တဘက်နှင့်တဘက် ဝိဝါဒကိုဦးတည်၍ အရမ်းပုတ်ခတ်စွပ်စွဲ ဆဲရေးကြခြင်းကို ရှောင်ရှားဖို့ ၁၂၈၄-ခုနှစ် ဂျူပလီဟောအစည်အဝေး၌ အကျယ်တဝင့် ဟောတော်မူသည်။
(၎င်းမိန်ခွန့် အစအဆုံးကို နောက်ဆက်တွဲ၌ ဖော်ပြထားပါသည်။)
No comments:
Post a Comment